ஆய்வுகளில் பயன்படுத்தும் விலங்குகள்

புதிய அறிவியல் குழு
Tue Nov 11 2014 14:11:03 GMT+0300 (EAT)

பத்தாண்டுகளுக்கு முன்பு ஒரு ஆய்வகப் பரிசோதனையாளர் தான் விலங்குகளை கொல்லும்படி கேட்டுக் கொண்ட முறை பற்றிய கவலைகளுடன் டேனியல் வியரியை தொடர்பு கொண்டார். இது வட அமெரிக்கா மற்றும் உலகம் முழுதும் கடைபிடிக்கும் முறைப்படி, ஆய்வகப் பரிசோதனையாளர் ஒரு அறையில் எலிகளை அடைத்து வைத்து குழாயில் கார்பன் டை ஆக்ஸைடை (CO2) அதிகரிக்கும் செறிவுகளில் விலங்குகள் மயக்கமடைந்து இறக்கும் வரை செலுத்த வேண்டும். “விலங்குகளைக் கொல்வது, வேலையின் சிறந்த பகுதியில்லை,” என பிரிட்டிஷ் கொலம்பியா பல்கலைகழகத்தில் பால் கறவை மாடுகளின் நலவாழ்வை பற்றி படிக்கும் வியரி, தி சயண்டிஸ்டிடம் கூறியுள்ளார். “ஒரு ஆய்வகப் பரிசோதனையாளராக இருப்பது கடினமான வேலையாகும்.”

சில எலிகள் CO2-ஐ செலுத்தும்போது நகர்வதை நிறுத்தினாலும் கூட, மற்றவை துன்புறுதலுடன் இருப்பது போல் தெரிகிறது. அவை முன்னங்கால்களை உயர்த்திக் கொண்டு, பெட்டியின் பக்கவாட்டு பகுதிகளில் பிறாண்டுகின்றன, அல்லது மீயொலி (அல்ட்ராசோனிக்) குரலொலிகளை வெளிப்படுத்துகின்றன. பரிசோதனையாளருக்கு விலங்குகள் மயக்கமடையும் முன் கஷ்டப்படுவதாக தெரிகின்றன. அவரின் விலங்குகளின் நலவாழ்வு பற்றிய கவலைகள், எலிகள் CO2 வெளிப்படுத்தலால் கஷ்டப்படுகின்றதா எனவும், அவைகளை மென்மையாக கொல்லும் கருணைமிக்க வழிகள் உள்ளனவா எனவும் ஆராயும் ஒரு பத்தாண்டு கால பாதைக்கு வியரியை கொண்டு சென்றன. அவரின் முடிவுகள் மற்றும் மற்றவர்களின் முடிவுகள், பலர் நினைப்பது போல் CO2 மட்டுமே மென்மையாக கொல்லுவதற்கான கருணைமிக்க வழியல்ல என்று ஆலோசிக்கின்றன. மேலும் CO2-க்கு முன்னதாக விலங்குகளுக்கு மயக்க மருந்து தருவது அவற்றின் துன்புறுதலை குறைக்கலாம்.

“கொல்லப்படும் இந்த விலங்குகளின் நலவாழ்விற்கு கார்பன் டை ஆக்ஸைடு நல்லதில்லை என்பது வலுவான ஆதாரமாகும்,” என விலங்குகள் நலவாழ்விற்கான பல்கலைகழகங்கள் சம்மேளனம் மற்றும் ஐ.கு.-ல் உள்ள கருணைக் கொலை கூட்டமைப்பு ஆகிய இரண்டிற்குமான மூத்த அறிவியல் திட்ட மேலாளரான, ஹியூவ் கோல்லெட்ஜ் கூறினார்.

கோல்லெட்ஜ், வியரி, மற்றும் மற்றவர்கள் இந்த வாரம் (நவம்பர் 4) இல்லினாய்ஸில் விலங்குகளை கொல்லும் முறைகளை மேம்படுத்துதலில் கவனம் செலுத்தும் ஒரு அமெரிக்க கால்நடை மருத்துவ நிறுவன (ஏவிஎம்ஏ) கலந்தாய்வில் பேசுகிறார்கள். “எலிகளைக் கொல்வதற்கான சிறந்த வழியைப் பற்றி நாம் யோசிக்க வேண்டும் என நான் நினைக்கின்றேன், ஆனால் அதை நாம் இன்னமும் கண்டறிந்திருக்கவில்லை,” என கோல்லெட்ஜ் தி சயிண்டிஸ்டிடம் கூறினார். எனினும், எலிகள் கொல்லப்படும் வழிகளை, குறிப்பாக CO2 அளித்தல் தொடர்பான முறைகளை சீரமைப்பதில் மெதுவான மாற்றம் நடந்து வருகின்றனது.

நெறிமுறைகள்

அதிக செறிவுகளில் CO2 அளித்தல் விலங்குகளுக்கு வலிகளை உண்டாக்கும் என அறியப்பட்டுள்ளது. மியூக்கோசல் பரப்புகளை அது தொடும்போது, அது கார்பானிக் அமிலமாக மாறுகின்றது, இது பூச்சிகள் கொட்டும் உணர்வை ஏற்படுத்துகின்றன. கூடுதலாக, மனிதர்களில், குறைந்த செறிவுகளில் கூட, அது கடும் துன்பத்தையும், மூச்சுத்திணறலையும் உண்டாக்கலாம்.

“தற்போது வளர்ச்சியடைந்துள்ள நெறிமுறைகள் கருணைக் கொலைக்கான மெதுவாக நிரப்பும் முறைகளாக இருப்பவைகளாகும் மேலும் அவை விலங்குகள் மயக்கமடையும் முன் எவ்வித துன்புறுதலையும் அனுபவிப்பதில்லை என உறுதி செய்கின்றன,” என குவெல்ப் பல்கலைகழகம், ஒண்டாரியா, கனடாவில் உள்ள ஒரு நோய்-உயிரியல் பேராசிரியர் மற்றும் ஆய்வக விலங்கு அறிவியலுக்கான திட்டத் தலைவாரான பேட்ரிஷியா டர்னர், கூறினார். தொடக்கத்தில் CO2-ன் செறிவு மிகக் குறைவாக இருக்க வேண்டும் என டர்னர் விளக்கினார். “விலங்கு மயக்கமடைந்த பிறகு, இறக்கும் நிகழ்வை வேகப்படுத்த வாயுவின் பாய்வு வீதம் அதிகரிக்கப்படலாம்,” எனவும் அவர் கூறினார். இந்த செயல்முறை ஐ.நா.-ல் கருணைக் கொலைக்கான வழிகாட்டுதல்களை நிர்ணயிக்கும், ஏவிஎம்ஏவால், சில நிபந்தனைகளுடன், ஏற்றுக்கொள்ள ஆலோசிக்கும் ஒரு முறையாகும். (ஏவிஎம்ஏ ஒரு நேர்காணலுக்கான தி சயிண்டிஸ்டின் கோரிக்கைக்கு இணங்கவில்லை.) ஆனால் கனடா ஆய்வகங்களுக்கான கருணைக்கொலை வழிகாட்டுதல்களை வெளியிட்டுள்ள விலங்கு பாதுகாப்பிற்கான கனடா அவை, CO2 மட்டும் அளிக்கப்படும் அணுகுமுறையை குறைவாக ஏற்றுக் கொண்டுள்ளது. சிசிஏசி-ன் 2010 அறிவியலில் பயன்படுத்தப்படும் விலங்குகளுக்கான கருணைக் கொலை வழிகாட்டுதல்களின்படி, “மற்ற முறைகள் நடைமுறையில் அளிக்கப்பட முடியும் என்பதால் CO2 மென்மையாக கொல்வதற்கான ஒரு தனிப்பட்ட காரணியாக பயன்படுத்தப்படக் கூடாது.” அதற்குப் பதிலாக, சிசிஏசி முதலில் சுவாசிக்கக்கூடிய ஒரு மயக்க மருந்தை பயன்படுத்துவதை பரிந்துரைக்கின்றது, CO2 மட்டும் அளிப்பது, அறிவியல்பூர்வமாக நியாயப்படுத்தப்பட்டால், “நிபந்தையின்பேரில் ஏற்றுக்கொள்ளதக்கது” என்று எதுவுமில்லை. தி சயிண்டிஸ்டிக்கு வந்த ஒரு மின்னஞ்சலில், சிசிஏசியின் தர நிர்ணயங்கள் இயக்குநரான கில்லி கிரிஃபின் கூறியதாவது, “நடைமுறையில் [சிசிஏசி-சான்றளிக்கப்பட்ட நிறுவனங்கள்] CO2 பயன்படுத்துவதற்கு முன்பு எலிகளுக்கு மயக்க மருந்து அளிக்கப்படுகின்றது.” சிசிஏசி-ன் வழிகாட்டுதல்கள் ஏவிஎம்ஏ மற்றும் மற்ற குழுக்களுடையதுடன் எப்படி ஒப்பிடப்படுகின்றன என்பது இந்த வார சந்திப்பில் பேசப்படப் போவதாகவும் அவர் கூறினார்.

வியரி மற்றும் உடன் பணிபுரிவோரின் பரிசோதனைகள் தொடர் உள்ளிட்ட, பல ஆய்வுகளை மேற்கோள் காட்டும் சிசிஏசி பரிந்துரைகள், எலிகளை CO2-ஆல் கொல்லும் முன் அவற்றிற்கு மயக்க மருந்து அளிப்பது விலங்குகளுக்கு குறைவான துன்பம் மற்றும் வலியை உண்டாக்கும் என்பது ஆலோசிக்கப்படுகின்றது. தேன், கொட்டை, ரொட்டித் துண்டு போன்ற மறுக்க முடியாத விருந்தை எலிகளுக்கு அவற்றின் கூண்டில் கிடைக்கும்படி செய்வதன் மூலம் இது வியரியின் குழுவால் சோதிக்கப்பட்டுள்ளது. ரொட்டித் துண்டுடன் கூண்டிற்குள் CO2 அல்லது மயக்க மருந்து குழாயில் செலுத்தப்படும். விலங்குகள் வாயு இருக்கும்போதே விருந்தை சாப்பிடுவதை தேர்ந்தெடுக்க முடியும், அல்லது கூண்டின் வாயு இருக்கும் பகுதியைத் தவிர்க்கலாம் ஆனால் இனிப்பு தானியங்களை நோக்கிச் செல்லலாம். வியரியின் இலக்கு விலங்குகள் விருந்தை சாப்பிடும்போதே அவை மெதுவாக தூங்க வைக்கும் அளவிற்கு செறிவு குறைவான ஆனால் அவற்றை மயக்கமூட்டக்கூடிய ஒரு வாயுவை கண்டறிவதாகும்.

துரதிர்ஷ்டவசமாக, எதுவும் வேலை செய்யவில்லை. தோராயமாக 12 சதவீத CO2 விலங்குகளை அவை மயக்கமடையும் முன்பாக உணவை1 கைவிட்டு விட்டு சாதாரண-காற்று கூண்டை நோக்கி செல்ல வைக்கின்றது (அவற்றை மயக்கமடையச் செய்ய 40 சதவீத CO2 தேவைப்படுகின்றது). “CO2 ஆனது நிலையாக எதிர்விளைவை உண்டாக்கக் கூடியது,” என வியரி கூறினார். இருப்பினும், ஒரு மயக்க மருந்தை எலிகளுக்கு தருவது குறைவான எதிர்விளைவை2 உண்டாக்கும் என தெரிகின்றது—விலங்குகள் மயக்க மருந்து நிரப்பப்பட்ட கூண்டில் விருந்தை சாப்பிட்டுக் கொண்டே நீண்ட நேரத்தை செலவளிக்கக் கூடும்.

மற்றொரு பரிசோதனை அமைப்பில், வியரி CO2 அல்லது மயக்க மருந்தின் எந்த செறிவு, விலங்குகளை சாதாரண காற்றிற்காக தங்களது கூண்டின்3 இருண்ட பகுதிகளை (வழக்கமாக அவை விரும்பும் பகுதிகள்) விட்டு நன்கு வெளிச்சமுள்ள பகுதிக்கு வரச் செய்கின்றது என சோதனை செய்தார். “தோராயமாக பாதி நேரங்களில் ஐசோஃப்ளூரேனுடன் [மயக்க மருந்து] அவை வெளியேறுவதில்லை,” என அவர் கூறினார். “அவை ஐசோஃப்ளூரேனுடன் வெளிச்சமுள்ள பகுதிக்கு செல்வதற்கு பதிலாக இருட்டான பகுதியிலேயே இருக்க விரும்புகின்றன.”

வியரி, “ஆதாரம் மிகவும் உறுதியானது” என CO2–ஆல் ஒரு எலியை கொல்லும் முன் மயக்க மருந்தை பரிந்துரைப்பதற்கு ஆதரித்து கூறினார். “அந்த குறிப்பிட்ட விளைவை பெறுவதில் நான் மிக மிக அதிக அளவு நம்பிக்கை கொண்டுள்ளேன்.”

நடைமுறையில் மாற்றங்கள்

2012-ல், வியரியின் சொந்த நிறுவனம் எலிகளுக்கு CO2-ஐ தரும் முன் மயக்க மருந்தை அளிக்கும் ஒரு கொள்கையை மேற்கொண்டது. மேலும் கடந்த வருடத்தில், மெக்கில் பல்கலைகழகம் எலிகள் CO2-ஐ சுவாசிக்கும் முன் இன்ஃப்ளூரேனை சுவாசிக்க தரும் கொள்கையை செயல்படுத்தத் தொடங்கியுள்ளது. “நாங்கள் இன்னமும் அதை வளர்த்து வருகிறோம்,” என மெக்கில்லின் விலங்கு வளங்கள் இயக்குனர், ஜிம் கார்டன் கூறினார். “நாங்கள் இந்த முடிவை வெளியிடப்பட்ட ஆராய்ச்சி முடிவுகளின் விளக்கங்களின் அடிப்படையில் மற்றும் தனிப்பட்ட உற்றறிதல்களின் அடிப்படையில் எடுத்துள்ளோம்,” என அவர் கூறினார். அடுத்த சில வாரங்களுக்குள், மெக்கில்லின் எல்லா ஆய்வகங்களிலும் CO2–ஐ தரும் முன் இன்ஃப்ளூரேனை அளிக்கும் பொருத்தமான நெறிமுறை செயல்படுத்தத் தொடங்கப்படும்.

“கார்பன் டை ஆக்ஸைடு பற்றிய கவலை இருப்பதை மக்களுக்கு தெரிந்து வருகின்றது மற்றும் அவர்கள் அதை தவிர்க்க முயன்று வருகிறார்கள் எனும் ஒரு மனப்பாங்கு இங்குள்ளது,” என கோல்லெட்ஜ் கூறினார். “கார்பன் டை ஆக்ஸைடில் பிரச்சினைகள் உள்ளன என்பதற்கான ஆதாரம் ஏறக்குறைய மறுக்க இயலாததாகும்.”

எனினும், எல்லா நிறுவனமும் மாற்று முறையை கடைபிடிக்க ஆரம்பிக்கவில்லை. சர்வதேச ஆய்வக விலங்கு பாதுகாப்பின் மதிப்பீடு மற்றும் சான்றளிப்பிற்கான கூட்டமைப்பின் (ஏஏஏஎல்ஏசி) இயக்குனரான, கிறிஸ்டியன் நியூகமர், தன் நிறுவனம் சான்றளிக்கும் அமைப்புகள் கருணைக் கொலை முறைகளை மேம்படுத்துவதில் ஆர்வமாக இருப்பதாகவும், அவைகளில் பல CO2–ஐ கொடுக்கும் முன் மயக்க மருந்தை சேர்க்கும் நெறிமுறைகளை கைண்டுள்ளதை அவர் காணவில்லை எனவும் கூறினார். மயக்க மருந்துக்கு ஆதரவாக தரவுகள் தெளிவாக இருக்கின்றது என்பதற்கான ஒரு பொதுவான ஏற்பு இருக்கவில்லை. “இன்னமும் ஒரு கருத்து வேறுபாடின்மை இருக்கவில்லை,” என டர்னர் கூறினார்.

மற்றொரு கவலை மயக்க மருந்தே எதிர்விளைவை உண்டாக்கக் கூடியதாக இருக்கலாம் என்பதாகும்; கோல்லெட்ஜ் கடந்த காலத்தில் ஐசோஃப்ளூரேன் கொடுக்கப்பட்ட விலங்குகள், இயல்பான விலங்குகளை விட மிகவும் நுண்ணுணர்வு கொண்டவை என ஆதாரங்கள் ஆலோசிக்கின்றன. இது கருணைக் கொலை செயல்முறைகளில் ஐசோஃப்ளூரேனை சேர்ப்பதன் பலனை சில கேள்விளுக்கு இட்டுச் செல்கின்றது.

சுவாசிக்கக்கூடிய மயக்க மருந்தை ஏற்கனவே பயன்படுத்தாத ஆய்வகங்களுக்கு, உட்கட்டமைப்பை பொருத்துவதற்கும் அதை பாதுகாப்பாக அளிக்கும் முறையை பணியாளர்களுக்கு பயிற்சி அளிப்பதற்கும் ஒரு கூடுதல் செலவு ஆகும். மெக்கில்லில் புதிய கொள்கையை செயல்படுத்த கருவிகள் மற்றும் பயிற்சிக்கு முதலீடு செய்வது குறைவாக இருந்ததாகவும், விலங்கு நலம் மேம்படும் எனில் அது மதிப்புள்ளதாக இருக்கும் எனவும் கார்டன் கூறினார்.

ஆய்வக எலிகளின் வாழ்வை முடிவுக்கு கொண்டு வருவதில் மயக்க மருந்து ஒரு அளவிடக்கூடிய முன்னேற்றத்தை உண்டாக்குமா என்பதில் இருக்கும் கருத்து வேறுபாடின்மை பற்றாக்குறைக்காக, சில கேள்விகள் மீதம் இருப்பதாக கார்டன் குறிப்பிட்டுள்ளார்.

இருந்தபோதிலும், “சந்தேகத்துடன்,” எனக் கூறிய அவர், “விலங்குகளின் நலனை நோக்கி செல்வோம்” என்றார்.